Gweithio hybrid – dau ddiwrnod yn gweithio o un o’r swyddfeydd isod / Hybrid working – working two days from one of the below office locations
LLEOLIAD / LOCATION : Bangor, Conwy, Halkyn, Dolgellau
DYDDIAD CAU: 09/07/26
Ffurflenni cais a manylion pellach ar gael trwy wefan Cyngor Gwynedd www.gwynedd.gov.uk neu drwy ffonio 01286 679076
Bydd y Cynorthwyydd Ecoleg yn gyfrifol am gynorthwyo’r tîm Newid Hinsawdd a Amgylcheddol i weithredu gofynion polisi Llywodraeth Cymru (LlC) a deddfwriaeth amgylcheddol megis Deddf Cefn Gwlad a Bywyd Gwyllt 1980 ac Adran 6 Deddf Amgylchedd Cymru. Darparu cyngor a chefnogaeth ecolegol broffesiynol i ACGCHC a’n partneriaid yn ymwneud â’r asesiad effaith a mesurau lliniaru ein gweithredoedd ar ecoleg a bioamrywiaeth, gan sicrhau fod ACGCHC yn cydymffurfio gyda deddfwriaeth ac yn gwneud y mwyaf o gyfleoedd bioamrywiaeth. Darparu cymorth ecolegol uniongyrchol a chyngor technegol i dimau cyflawni cyfalaf a chynnal a chadw ACGChC, gan gynnwys adolygu dogfennau mewnol ac allanol, cynnal ac adolygu arolygon ac adroddiadau, darparu cyngor technegol, mynychu cyfarfodydd a goruchwylio safleoedd.
Gweithio o fewn y Tîm Amgylchedd i reoli rhestr eiddo stadau meddal gan gynnwys adnabod lleoliad a chyflwr yr asedau ecolegol. Cynnig, dylunio a rheoli rhaglen o brosiectau gwella ecolegol wedi’u datblygu o weithgareddau cynnal a chadw arferol ac ymatebol sy’n gysylltiedig â rheolaeth stadau meddal ac amgylcheddol. Cynorthwyo’r Timau Ecoleg ac Amgylchedd a staff arall ACGCHC i gael trwyddedau CNC lle bo’r angen a chyflawni unrhyw amodau a gofynion megis arolygon, monitro ac adrodd i sicrhau cydymffurfiaeth. Gweithio gyda’r Ecolegydd i ddatblygu rhaglen o Drwyddedau Gwaith ar gyfer Rhywogaethau Gwarchodedig hyd at foddhad CNC. Gweithio gyda’r Ecolegydd a CNC i ddatblygu system adrodd ar-lein ar gyfer cydymffurfiaeth gyda thrwyddedau, a gweithio i reoli prosiectau sy’n gysylltiedig â gwelliant ecolegol a gwaith lliniaru.
Gallu gweithio mewn amgylchedd tîm.
Gallu hunan gymell, ymroi, ac arddangos mentergarwch personol.
Sgiliau rhyngbersonol wedi’u datblygu’n dda a’r gallu i ddylanwadu a chymell eraill.
Gallu gweithio’n ddiogel dan bwysau a delio gyda therfynau amser tynn.
Gallu gweithio gydag ychydig o oruchwyliaeth, blaenoriaethu llwyth gwaith personol
Sgiliau trefnu da, arloesol a blaengar.
Gallu cyfathrebu mewn ffordd gwrtais, dactegol, diplomyddol wrth ddelio gyda materion cynhennus, deall polisïau a chyfyngiadau eraill.
Gallu darparu arweiniad, rheoli, goruchwylio ac arwain ar faterion ecolegol o fewn timau a phrosiectau ACGCC.
Gallu dal ati hefo cyflawni cydymffurfiaeth ddeddfwriaethol a’r ymarfer ecolegol gorau pan nad yw pob amser yn ddewis poblogaidd ymysg eraill.
Gallu gweithio mewn ymgynghoriad a phartneriaeth â sefydliadau ac ymgynghorwyr allanol.
Ymroi i gywirdeb a chyflawni tasgau i gyflawni’r canlyniad gorau i’r amgylchedd.
Tystiolaeth o ymrwymiad i ddatblygiad personol a phroffesiynol parhaus.
Gweithio oriau y tu allan i oriau arferol yn aml, yn ôl y gofyn.
Gradd neu MSc mewn Sŵoleg, Botaneg, Ecoleg neu bwnc ecolegol perthnasol. HNC/HND/NVQ (Lefel 4) mewn pwnc yn ymwneud ag ecoleg, ac o leiaf 5 mlynedd o brofiad perthnasol.
Profiad yn y maes technoleg priffyrdd a’r gallu i gynnal archwiliadau cyfathrebu a thrydanol ar asedau technoleg priffyrdd yn ôl y gofyn.
Profiad o gynnal arolygon ecolegol ar gyfer rhywogaethau a chynefinoedd.
Deall ecoleg ystod o rywogaethau gwarchodedig cyffredin.
Profiad o adnabod ystod o rywogaethau a chynefinoedd cyffredin y DU.
Wedi bod yn rhan o ddatblygiad mesurau lliniaru a gwaith gwella rhywogaeth neu gynefin.
Profiad o wneud cais a chael trwydded ar gyfer Rhywogaethau a Safleoedd Gwarchodedig.
Dealltwriaeth dda o Ddeddfwriaeth Amgylcheddol berthnasol Cymru/DU yn enwedig ar gyfer Cadwraeth Natur.
| Job Category | Amgylcheddol |
| Salary | £39862 - £41450 Bob Blwyddyn |
